|
علمً ان شعر المهداوي هو من ابداع الشاعر مهدي ملا فاضل السكراني في الفلاحيه . ولكم هذه مجموعه من شعر المهداوي لابو عبدالله مهدي الملا فاضل السكراني ابن الفلاحيه و اتمني لهم و لكم العافيه ....
سيف الكبر ينزر بعد ميفيده لمسن يا سعد ونسنه
والنام بفراش الكبر عافنه غزلان المرح ونسنه
گالن گبل چان ابثمر ابليل السمر ونسنه
اوهسه التوه عظمه او خوه اوشيفيد الاصبح خاوي
( الشاعر مهدي ملا فاضل السكراني) الفلاحيه
****************************
ابگه اودهم من گلب هل من گلب ودوني
ابگهالوم طبع الغبر والبي قرض ودوني
لهل الشيم يهل الشيم يله ابعجل ودوني
ذوله الي البات الهم قصر رايد دليلي وهاوي
( الشاعر مهدي ملا فاضل السكراني) الفلاحيه
****************************
يا صاح صيح العز مشه وخبر العشيره المادرت ونبيها
دار الرحل عنها المجد للاسف بس ظل ينسمع ونبيها
گوم الكثر بيها الجهل ماتگدر اتنول الشرف ونبيها
يحوي الشرف بس المشه ابغيره وصبح غيراوي
(ملا فاضل السكراني)
****************************
اي والنبي موسي الخذه الواح العلم منطوره
الون بحزن طوره انجرح طوره وخرج منطوره
ثايه مجدنا الچانت ابعين العگل منطوره
ليل الجهل مسها باسه واظلم مجدها الضاوي
(ملافاضل السكراني)
**********************
مهر الشرف لل ماعرف قدر الزلم منغيره
منهچ اهلنه يظل فخر انه وابد منغيره
ما ينحسب منه اليود يچسب مجد منغيره
منه البنه بيده المجد والصيت اله اصبح داوي
(مهدي ملا فاضل السكراني)
**************************
من زود همنه من الوكت كون الوسع مالمنه
بس الشماته مايفل هو الصبح مالمنه
مايوم لمنه اعله الشمل وعله العذل مالمنه
لمنه عله الچنه گبل بينه اعتقد غيراوي
(مهدي ملا فافضل السكراني)
****************************
هلن عليهم دم دمع لو تنعمن يجفوني
احبابي وردتهم من زغر ماصدگت يجفوني
من سيل دمعي صب مزن شتروفن يجفوني
دمعي الارض ضاگت اله والماروه اصبح راوي
(مهدي ملا فاضل السكراني)
.............................................
والحمد لله
الحياوي
|
